روميو المدير العام
عدد الرسائل : 785 العمر : 34 البلد : غزة العمل/الترفيه : مدير الموقع المزاج : رايق نشاط العضو : رقم العضويه : 1 مزاجي : أعلام الدوله : الوظيفه : من أين علمت عن المنتدى؟؟ : الأوسمه التي حاز عليها هاذا العضو : تاريخ التسجيل : 14/12/2007
| موضوع: شيابنـا بغمزه ( سميـرا ) موليـن !! الأحد يونيو 29, 2008 12:46 pm | |
| ياعم .. يالعيـاااار .. يابـو دلامـه.. ليتك تعيش تشاهـد أوضاعنـا الحيـن
تضحـك علينـا ليـن يـوم ألقيامه صاحيـن ... لكـن عدنـا مستلجيـن
نركض وري الدنيا ركض ألنعامه وعند الشدايد ندفـن الرأس بالطيـن
لا قلت مسلـم .. قيـل يعنـي أسامـه أصبح أسامه رمز يوصف بـه الديـن
هـم مـادروا بأنّـا وصلنـا ألرخامه أخبارنـا صـارت سخافـة عناويـن
( التوت .. يغتال الكرز في منامـه ) ( صياف شن الحرب مع تركي ألفين )
( باسكال تسرق لحن .. راغب علامة) فاصـل غنائـي ... آه ياليـل ياعيـن
نعـود للموجـز ... نقـول بختامـه هذا خبر عاجـل ورد مـن فلسطيـن
الدوخـي يعلـن للهلال انضمامه .. عفواً خبرنا صار مو من فلسطين!!
شكراً .. لكل واحد عطانـا اهتمامـه نعود معكـم لأغنيـة .. ليـل ياعيـن
شفتوا شكثر هالغرب يخطئ كلامـه شفتـو شكثـر حنـا غدينـا سخيفيـن
شفتو شكثر قاسـي علينـا اتهامـه .. يحسبنا كل ليلـه سهـارى مصليـن!!
مايدري إنا حـول (فاتـن حمامـه) نوصف جمال عيونهـا .. والفساتيـن
ولاهي غريبة .. قبلنا أهـل العمامة شيابنـا بغمزه ( سميـرا ) موليـن
أريـام .. أم الغنـج .. والإبتسـامـه صـارت قضيـه مشغلـه هالملاييـن
تدرون عاد ... المشكلة مـو أسامه ولاهـو إعجاب العـرب بالمغنيـن
ألمشكله أكبـر وأكثـر .. ضخامة ألمشكله ... حنـا بليـا مضامـيـن
أرخص ماعند اليعربـي .. احترامه قلي شلون أعطيـك الإثبات هالحيـن
عطه ( الطراق ) .. يقول حب وكرامه ثنّ (الطراق ) .. يقول آهلين وسهليـن
وتقول لي ( بغـداد ) راحـت ندامة ياخيّ جاني علمهـا عـام ( تسعيـن )
ماهـي غريبة لافقدنـا الزعامة .. بس المصيبة نفخر بحرب .. حطيـن
بعنا ألكرامه .. واشترينا ألسلامه نبي نفوز بشي .. فزنـا بـولا شيـن
هم وهمونا أن السـلام ( ألحمامه ) صرنا حمايم .. بس صاروا شياهيـن
يكادوا هالإنسـان يفـجـر أمـامَـه من كثر مايسأل .. متى نوفي الديـن؟!
تظهـر علامة .. وأتخفـى علامة ملايكـه تقفـي .. وتقبـل شياطـيـن
ومن قال لك توه ... زمـان ألقيامه قله : طريق الشام .. سـووه سيديـن | |
|
مودي عاصفةٌ جديد
عدد الرسائل : 15 العمر : 30 البلد : فلسطين نشاط العضو : تاريخ التسجيل : 25/09/2008
| موضوع: رد: شيابنـا بغمزه ( سميـرا ) موليـن !! الخميس سبتمبر 25, 2008 3:06 am | |
| | |
|